ໃນລະຫວ່າງວັນທີ 02-03 ມິຖຸນາ 2026 ໄດ້ຈັດກອງປະຊຸມເຜີຍແຜ່ແຜນແມ່ບົດພັດທະນາ ແລະ ຄຸ້ມຄອງການທ່ອງທ່ຽວເຂດນາກະສັງ, ດອນເດດ, ດອນຄອນ ແລະ ບໍລິເວນອ້ອມຮອບ ສໍາລັບປີ 2026-2036 ຂັ້ນແຂວງ ຢ່າງກວ້າງຂວາງ ທີ່ ແຂວງຈໍາປາສັກ ໃຫ້ ກຽດເປັນປະທ່ານໂດຍ ທ່ານ ນາງ ສວນສະຫວັນ ວິຍາເກດ ລັດຖະມົນຕີ ກະຊວງ ວທ. ຈຸດປະສົງເພື່ອເຜີຍແຜ່ທິດທາງແຜນການ ແລະ ແຜນວຽກຈຸດສຸມຂອງແຜນແມ່ບົດດັ່ງກ່າວ ໃຫ້ໄດ້ຮັບການຈັດຕັ້ງປະຕິບັດ ຢ່າງເປັນຮູບປະທໍາ ພ້ອມທັງ ບັນດາມາດຕະການຕ່າງໆ ໃນການຈັດຕັ້ງປະຕິບັດ.

    ຮອດປີ 2036, ນາກະສັງ-ດອນເດດ-ດອນຄອນ ແລະ ບັນດາດອນຕ່າງໆທີ່ຢັ່ງຢາຍຢູ່ ອ້ອມຮອບທາງພາກໃຕ້ແມ່ນໍ້າຂອງລາວ ຈະກາຍເປັນຈຸດໝາຍປາຍທາງການທ່ອງທ່ຽວທີ່ສໍາຄັນລະດັບຊາດ ທາງດ້ານການທ່ອງທ່ຽວທາງທໍາມະຊາດ, ໄດ້ມາດຕະຖານ, ຮັກສາຄວາມສົມດຸນລະຫວ່າງວິຖີການດໍາລົງຊີວິດຂອງທ້ອງຖິ່ນກັບການພັດທະນາການທ່ອງທ່ຽວແບບຍືນຍົງ ແລະ ເປັນມິດສິ່ງແວດລ້ອມ ເຊິ່ງເປັນການໃຫ້ປະສົບການທີ່ຫາພົບພໍ້ໄດ້ຍາກໃນປະເທດທີ່ບໍ່ມີທາງອອກສູ່ທະເລ.

ພ້ອມດຽວກັນນັ້ນ ກໍ່ຍັງໄດ້ລົງຢ້ຽມຢາມ ແລະ ຊຸກຍູ້ການພັດທະນາ ແລະ ການບໍລິການ ການທ່ອງທ່ຽວໃນສະຖານທີ່ທ່ອງທ່ຽວຄອນພະເພັງ ແລະ ກໍ່ໄດ້ຮ່ວມກິດຈະກຳ ປູກຕົ້ນໄມ້, ປ່ອຍປາ, ຢ້ຽມຍາມໂຮມສະເຕລີ້ລັບ, ພູໄຟລ້ານປີ ແລະ ປູກຕົ້ນໄມ້ທີ່ຕາດເຍືອງ, ເມືອງປາກຊ່ອງ ແຂວງຈຳປາສັກ,