ໃນວັນທີ 8 ທັນວາ 2025 ກະຊວງວັດທະນະທຳ ແລະ ການທ່ອງທ່ຽວ ໄດ້ຈັດປະຖະກະຖາ ເພື່ອສະເຫຼີມສະຫຼອງ ວັນສະຖາປະນາ ສປປ ລາວ ຄົບຮອບ 50 ປີ (2/12/1975–2/12/2025) ແລະ ວັນເກີດ ປະທານ ໄກສອນ ພົມວິຫານ ຄົບຮອບ 105 ປີ (13/12/1920–13/12/2025).

       ທ່ານ ນາງ ສວນສະຫວັນ ວິຍະເກດ ລັດຖະມົນຕີ ກະຊວງວັດທະນະທຳ ແລະ ການທ່ອງທ່ຽວ ໄດ້ຍົກໃຫ້ເຫັນເຖິງວິລະກຳຄວາມອົງອາດກ້າຫານ ຂອງພັກປະຊາຊົນປະຕິວັດລາວ ໃນການນຳພາການຕໍ່ສູ້ກູ້ຊາດ. ພ້ອມກັນນັ້ນ, ທ່ານຍັງໄດ້ເນັ້ນໜັກເຖິງບົດບາດອັນສຳຄັນຂອງ ທ່ານ ປະທານ ໄກສອນ ພົມວິຫານ ຜູ້ນຳທີ່ແສນເຄົາລົບຮັກຂອງປວງຊົນລາວທັງຊາດ ທີ່ໄດ້ນຳພາປວງຊົນລາວບັນດາເຜົ່າລຸກຮື້ຂຶ້ນຕໍ່ສູ້ ຈົນສາມາດສະຖາປະນາ ສປປ ລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ 1975. ຫຼັງຈາກການປະຖະກະຖາແລ້ວ ໄດ້ມີພິທີປະດັບຫຼຽນກາລະນຶກ 50 ປີ ວັນສະຖາປະນາ ສປປ ລາວ ໃຫ້ແກ່ພະນັກງານປະຈຳການ ຈຳນວນ 365 ທ່ານ ແລະ ພະນັກງານອາວຸໂສບຳນານ 290 ທ່ານ ລວມທັງໝົດ 655 ທ່ານ ຍິງ 286 ທ່ານ ທີ່ມີຜົນງານ, ຄຸນງາມຄວາມດີ ໄດ້ອຸທິດເຫື່ອແຮງ ແລະ ສະຕິປັນຍາ ເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດເວົ້າລວມ, ເວົ້າສະເພາະໃນຂົງເຂດວັດທະນະທຳ ແລະ ທ່ອງທ່ຽວຕະຫຼອດໄລຍະ 50 ປີຜ່ານມາ.