ໜ້າຫຼັກ / ການເຄື່ອນໄຫວ / ກະຊວງ ຖວທ ແລະ ກຸ່ມບໍລິສັດທຣິບການຄ້າ ຊຽງໄຮ ສປ ຈີນ ລົງນາມຮ່ວມມືດ້ານການທ່ອງທ່ຽວ

ກະຊວງ ຖວທ ແລະ ກຸ່ມບໍລິສັດທຣິບການຄ້າ ຊຽງໄຮ ສປ ຈີນ ລົງນາມຮ່ວມມືດ້ານການທ່ອງທ່ຽວ

04 Jul 2024 | ພາບ: ອ່າຍຄຳ |

  ຂປລ. ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ຮ່ວມກັບ ກຸ່ມບໍລິສັດທຣິບການຄ້າຊຽງໄຮ ສປ ຈີນ ລົງນາມບົດບັກທຶກຄວາມເຂົ້າໃຈ ວ່າດ້ວຍການຮ່ວມມືດ້ານການທ່ອງທ່ຽວ ໃນວັນທີ 5 ກໍລະກົດ 2024, ຕາງໜ້າຝ່າຍລາວ ລົງນາມໂດຍ ທ່ານ ຄົມ ດວງຈັນທາ ຫົວໜ້າກົມໂຄສະນາການທ່ອງທ່ຽວ ກະຊວງ ຖວທ ແລະ ຝ່າຍຈີນ ທ່ານ ນາງ ຊໍາເມີ້ ຫວັງ ຫົວໜ້າການຕະຫລາດພາກພື້ນ ກຸ່ມບໍລິສັດທຣິບການຄ້າຊຽງໄຮ ແຫ່ງ ສປ ຈີນ ໂດຍມີ ທ່ານ ນາງ ສວນສະຫວັນ ວິຍະເກດ ລັດຖະມົນຕີ ກະຊວງ ຖວທ ແລະ ພາກສ່ວນກ່ຽວຂ້ອງເຂົ້າຮ່ວມເປັນສັກຂີພິຍານ.
  ໃນໂອກາດນີ້, ທ່ານ ນາງ ມານີສາຄອນ ທຳມະວົງໄຊ ຮອງຫົວໜ້າກົມໂຄສະນາການທ່ອງທ່ຽວ ກະຊວງ ຖວທ ໄດ້ໃຫ້ຮູ້ວ່າ: ການທ່ອງທ່ຽວລາວ ເປັນຂະແໜງການໜຶ່ງ ທີ່ມີການເຕີບໃຫຍ່ຂະຫຍາຍຕົວຢ່າງຕໍ່ເນື່ອງ ເຊິ່ງລັດຖະບານລາວ ຖືເອົາເປັນຂະແໜງເສດຖະກິດໜຶ່ງທີ່ສຳຄັນ ໃນການພັດທະນາເສດຖະກິດ-ສັງຄົມແຫ່ງຊາດ. ໃນຊຸມປີຜ່ານມາ ມີນັກທ່ອງທ່ຽວສາກົນມາທ່ຽວ ສປປ ລາວ ນັບມື້ນັບເພີ່ມຂຶ້ນ. ໃນນັ້ນ, ນັກທ່ອງທ່ຽວຈີນ ແມ່ນຕະຫລາດທ່ອງທ່ຽວໜຶ່ງທີ່ສຳຄັນ ຂອງການທ່ອງທ່ຽວລາວ ແລະ ຈັດເປັນອັນດັບທີ 3 ທັດຈາກນັກທ່ອງທ່ຽວໄທ ແລະ ຫວຽດນາມ. ສະນັ້ນ, ເພື່ອເສີມຂະຫຍາຍການຕະຫລາດທ່ອງທ່ຽວລາວ ດຶງດູດນັກທ່ອງທ່ຽວຈີນ ມາທ່ຽວລາວ ໃຫ້ນັບມື້ນັບເພີ່ມຂຶ້ນ ຂະແໜງການທ່ອງທ່ຽວລາວ ຈະຕ້ອງສືບຕໍ່ອຳນວຍຄວາມສະດວກ, ກະກຽມບັນດາເງື່ອນໄຂຕ່າງໆ ເພື່ອຮອງຮັບການຂະຫຍາຍຕົວ ຂອງຕະຫລາດດັ່ງກ່າວ. ໃນ 4 ເດືອນຕົ້ນປີ 2024 ມີນັກທ່ອງທ່ຽວຈີນ ມາທ່ຽວລາວ 351.419 ເທື່ອຄົນ ເພີ່ມຂຶ້ນ 67% ຖ້າທຽບໃສ່ໄລຍະດຽວກັນຂອງປີ 2023 ຄາດຄະເນວ່າຮອດທ້າຍປີ 2024 ຈະບັນລຸໄດ້ 8 ເເສນ ເທື່ອຄົນ.
   ການລົງນາມບົດບັນທຶກສະບັບນີ້, ຈະເປັນບາດກ້າວທີ່ສຳຄັນ ປະກອບສ່ວນເຂົ້າໃນການຈັດປີທ່ອງທ່ຽວ ລາວ 2024. ພ້ອມກັນນີ້, ຈະເປັນໂອກາດທີ່ດີສໍາລັບການພັດທະນາ ສົ່ງເສີມການຕະຫລາດຂອງລາວ ໃນຕະຫລາດ ນັກທ່ອງທ່ຽວຈີນ, ພັດທະນາຜະລິດຕະພັນການທ່ອງທ່ຽວ, ການບໍລິການທ່ອງທ່ຽວ, ສົ່ງເສີມໂຄສະນາການທ່ອງ ທ່ຽວ, ພັດທະນາບຸກຄະລາກອນທ່ອງທ່ຽວ, ລວມທັງການນຳໃຊ້ເຕັກໂນໂລຊີ ໃນຂະແໜງການທ່ອງທ່ຽວ ໂດຍສະເພາະ ຮູບແບບໂຄສະນາການທ່ອງທ່ຽວລາວ ໃນລະບົບດິຈີຕອນ, ແອັບວີແຊັດ, ອາລີເພ ເພື່ອອຳນວຍຄວາມສະດວກ ໃຫ້ແກ່ນັກທ່ອງທ່ຽວຈີນ ທີ່ຈະເດີນທາງມາທ່ຽວລາວ .

ຂ່າວຫຼ້າສຸດ

ອົງການຈັດຕັ້ງມະຫາຊົນ

ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ໄດ້ຈັດກອງປະຊຸມແລກປ່ຽນຄໍາຄິດເຫັນ ວຽກງານຕ້ານການຄ້າມະນຸດ ໃຫ້ຂະແໜງສື່ມວນຊົນ ແຂວງ ພາກໃຕ້ ແລະ ພາກເໜືອ

  • 15 Jul 2024
  • ຂ່າວ: ກິດຕາ

     ກະຊວງຖະແຫລງຂ່າວ, ວັດທະນະທໍາ...

ອ່ານເພີ່ມ

ວຽກງານເສນາ

ກະຊວງ ຖວທ ເຜີຍແຜ່ຫລາຍເອກະສານສຳຄັນຂອງພັກ-ຂອງຊາດ

  • 12 Jul 2024
  • ຂ່າວ: ສົມຫວັງ

ກະຊວງຖະແຫລງຂ່າວ, ວັດທະນະທຳ ແລະ...

ອ່ານເພີ່ມ

ວຽກງານເສນາ

ລັດຖະມົນຕີກະຊວງ ຖວທ ຕ້ອນຮັບຜູ້ຕາງໜ້າ ຫ້ອງການ ອຸຍນີເຊບ ປະຈຳລາວ ເຂົ້າຢ້ຽມອຳລາ

  • 25 Jun 2024
  • ພາບ: ອ່າຍຄຳ

   ຂປລ. ວັນທີ 25 ມິຖຸນາ 2024 ນີ້, ທ່ານ...

ອ່ານເພີ່ມ

ວຽກງານວັດທະນະທໍາ

ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ເຂົ້າຮ່ວມ ແລະ ເປີດງານບຸນລາວ ຄັ້ງທີ 12 ປະຈໍາປີ 2024 ທີ່ປະເທດຢີ່ປຸ່ນ

  • 27 May 2024
  • ຂ່າວ: ທະນູທອງ

  ຂປລ. ພິທີເປີດບຸນລາວ ຄັ້ງທີ 12...

ອ່ານເພີ່ມ